La Compagnie Folklorique Fanny Thibout 
et les Tiesses di Hoye

• Lès mousseûres
• Lès danses
• Li musike

Lès mousseûres

Nos mousseûres, c'èst lès mousseûres dès ovrîs qu'on trovéve al'vèye et d'vins les campagnes.

	Li boterèsse : èle pwertève s'bot so sès rins.
	Li cotirèsse vindéve dès lègumes: èle pwèrtéve s'banstê so s'tièsse. Ci banstê-là s'lome li «tchêtê».
	Li martchande di fréves tchindéve li Tchiér-à-Lîdje, tot pwèrtant si grande banse à treye so s'tièsse.. Ele poléve mète 25 kilos d'frûtes divins dès p'tits banstês.
	Li martchande di makèye, lèy, pwèrtéve li hinon so s'tièsse. Ele métève si hinon al'tére so lès martchîs, c'èsteût, adè, come ine cand'lète.
	Li martchande di ficèle aveût s'cote ratrossèye dizeûr s'jupon. Ele aveût on tchapê di neûr feûte. Ele trimk'baléve dès martchandèyes so s'tchapê.
	Lès ovrîres dèl' campagne: èles avît on barada, ine halète. Elès riv'nîs di leû ovrèdjes avou leû rustê, leû floyê, leû sèyês po fé beûre lès vês.
	Ni rouvans nin li martchande di lècê, li mounî avou s'rodje bonète di coton, li marihå avou s'ventrin d'cûr, li feume å boûre èt s'plat banstê, li cråssî. Mins ni rouvans nin sûrtot nosse houyeû!

Nos avans avou dès djamas qui nos vîs mètî l'dimègne; nos avans ossu des mousseûres po danser lès contrèdanses.

Nos avans dès costmumes qui sont bin vis; mins nos avans d'vou rifé dès costumes come ès bon vî timps: nos volons wårderl'quålité èt lès coleûrs dès vîs tissus. Nos avans sakwants banstês èt sakwantès ustêyes come nos mames, nos måmas, nos péres èt nos grand-péres. C'èst-là dès pèces à nin piède!

Lès danses

Nos avans nos danses qui dès vîlès djins nos ont rac'seignî; sovint nos avans,-dihans Fanny Thibout a qwèrou..., d'vou qwèri tot plin amon les vîs d'èll' campagne. Inn'a dès danses qui l'on lome d'on minme no èt qui s'dansît diféramint d'vins les vièdjes di l'Ardène.

Li muzike

Li muzike di nos danses vinèt dès vîs ménèstriîs qui Fanny a rèscontré d'vans l'guére. Mins sovint vos porez r'trover dès érs qui vos k'nohez; portant inn'a nole fantaisie di nosse pårt : nos djowsans lès êrs come on nos lès a-st- apris.